ភ្នំពេញ៖ អគ្គមេបញ្ជាការរង និងជាមេបញ្ជាការ បញ្ជាការដ្ឋានអង្គរក្ស នាយឧត្តមសេនីយ៍ ហ៊ីង ប៊ុនហៀង បានបញ្ចេញកម្លាំងកងទ័ពចំនួន ៥០០នាក់អមដោយអាវុធចំនួន២០០ដើមប្រចាំការនៅតាមព្រំដែនវៀតណាមដើម្បីត្រៀមបាញ់ទម្លាក់យន្តហោះគ្មានមនុស្សបើក ឬដ្រូន បើកាលណាហ៊ានហោះចូលទឹកដីកម្ពុជា។

កម្លាំងកងទ័ពចំនួន ៥០០នាក់ប្រដាប់ដោយអាវុធចំនួន ២០០ដើម បានត្រៀមខ្លួនរួចជាស្រេចដើម្បីបាញ់ទម្លាក់យន្តហោះដែលគ្មានមនុស្សបើក ឬដ្រូនហោះតាមបទបញ្ជារបស់នាយករដ្ឋមន្ត្រី សម្តេចតេជោ ហ៊ុន សែន កាលពីរសៀលថ្ងៃទី២៧ ខែមិថុនា ឆ្នាំ២០២៣ ក្រោយពីប៉ុន្មានថ្ងៃកន្លងទៅនេះមានយន្តហោះគ្មានមនុស្សបើកបានបើកហោះចូលមកកម្ពុជា។

សម្តេចតេជោ បានបញ្ជាឱ្យត្រៀមបាញ់ទម្លាក់យន្តហោះដែលសង្ស័យថាជារបស់ក្រុមភារវកម្មដែលវាយប្រហារប្រទេសវៀតណាមដែលហោះចូលមកកម្ពុជាតាមព្រំដែនកម្ពុជា-វៀតណាម៕